ვნახე…
მარიამ ზალდასტანიშვილი
ტექსტები, როგორც კულტურული საგანძური არის ინიციატივა, რომლის მისიაა აბრეშუმის სახელმწიფო მუზეუმის წიგნადი ფონდის, როგორც კულტურული საგანძურის პოპულარიზაცია და მასზე ხელმისაწვდომობა.
პროექტი ვნახე / I SAW IT აბრეშუმის სახელმწიფო მუზეუმის ბიბლიოთეკაში დაცული აბრეშუმის ამერიკული ჟურნალისა და ამავე მუზეუმის კოლექციების ირგვლივ მომზადდა.
კონცეფციას საფუძვლად დაედო ჟურნალის სარეკლამო გვერდების „ფუტერიდან“ ამოღებული სლოგანი: I saw it in The American Silk Journal / ვნახე აბრეშუმის ამერიკულ ჟურნალში. შემდეგ კი ეს სლოგანი, მის პერეფრაზირებულ ვერსიასთან ერთად – I saw it in The Georgian Silk Museum / ვნახე აბრეშუმის ქართულ მუზეუმში – ვიზუალურ კამპანიად შეიკრა.
კამპანიის ფარგლებში ჟურნალის სხვადასხვა ნომრიდან ამოკრებილ ფაქტებსა და მუზეუმის ექსპონატებს შორის ხდება თანაკვეთა. კულტურათაშორისი საერთო წერტილების ამოცნობის პროცესი აძლიერებს კამპანიის როგორც ინტერაქტიულ ასევე საგანმანათლებლო პოტენციალს.
ბიოგრაფია:
მარიამ ზალდასტანიშვილი გრაფიკოსი და ილუსტრატორია. მუშაობს წიგნის დიზაინის, ვიზუალური იდენტობის, საგამოფენო დიზაინის მიამრთულებით. მონაწილეა 4 პერსონალური და მრავალი ჯგუფური გამოფენის ბელგიაში, ლუქსემბურგში, ავსტრიაში და საქართველოში. არის არაერთი სახელოვნებო პრემიის ლაურეატი. თავისუფალი უნივერსტეტის ვიზუალური ხელოვნების, არქიტექტურის და დიზაინის სკოლაში (VA[A]DS) ხელმძღვანელობს ვიზუალური კომუნიკაციის პროგრამას.